9 красавіка завяршаецца ацяпляльны сезон у Віцебскай вобласці

Сёння адключаць ад цеплакрыніцы батарэі ў жылым фондзе, установах сацыяльнага забеспячэння, медыцынскіх, лячэбна-прафілактычных, школьных і дзіцячых дашкольных установах адукацыі, спецыялізаваных вучэбна-спартыўных установах, агульнагарадскіх лазнях, тэатрах, установах адукацыі, інтэрнатах, гасцініцах, бібліятэках, дзяржаўных архівах, музеях.

Пастаўшчыкамі цеплавой энергіі пры паніжэнні сярэднесутачнай тэмпературы вонкавага паветра ніжэй плюс 8 градусаў будзе ўведзены рэжым "пратаплавання" на цеплакрыніцах.