ІМПС інфармуе
1. Сфера гандлю, грамадскага харчавання і бытавога абслугоўвання ў сельскай мясцовасці – зноў у льготным рэжыме
Для суб'ектаў гаспадарання, якія ажыццяўляюць такую дзейнасць, з 01.01.2024 па 31.12.2028 адноўлена льгота па падатку на нерухомасць і плацяжах за зямлю, а таксама прадугледжана зніжэнне ў 2 разы стаўкі падатку на прыбытак (для арганізацый) або стаўкі падаходнага падатку (для ІП) у дачыненні да аб'ектаў і прыбытку (даходаў) ад рэалізацыі.
Пералікі населеных пунктаў і тэрыторый, на якіх будуць дзейнічаць падатковыя льготы, вызначаць абласныя Саветы дэпутатаў.
2. Стандартны вылік маладым спецыялістам – асаблівасці прымянення.
З 1 студзеня 2024 г. маладыя спецыялісты маюць права на атрыманне стандартнага падатковага выліку па падаходным падатку ў памеры 620 рублёў у месяц. Статус «маладога спецыяліста» дзейнічае на працягу тэрміну абавязковай працы па размеркаванні (пераразмеркаванні).
Скарыстацца правам на вылік могуць не толькі выпускнікі, якім месца працы (службы) прадастаўлена шляхам размеркавання (пераразмеркавання), але і выпускнікі – «платнікі», якія атрымалі адукацыю ў дзённай форме за свой кошт цалкам або часткова (калі за кошт уласных сродкаў аплачвалася больш за палову тэрміну навучання) і накіраваны па іх жаданні на месцы працы, якія засталіся пасля размеркавання.
Вылік маладым спецыялістам прадастаўляецца на працягу ўстаноўленага заканадаўствам тэрміну абавязковай працы ў наймальніка па размеркаванні (пераразмеркаванні) і тэрміну працягу з ім працоўных адносін, але не больш за 7 гадоў з даты працаўладкавання ў гэтага наймальніка. Гэта значыць права на атрыманне выліку ў памеры 620 рублёў у месяц (уключаючы перыяд працягу адносін да 7 гадоў) маюць толькі асобы, якія па стане на 01.01.2024 і пазней з'яўляюцца маладымі спецыялістамі.
Адзначым, што дадзены вылік сумуецца з іншымі стандартнымі вылікамі.
3. Фізічныя асобы - суб'екты аграэкатурызму маюць права прыцягваць наёмных асоб па працоўных і (або) грамадзянска-прававых дагаворах.
У сувязі з гэтым інспекцыя МПЗ па Полацкім раёне звяртае ўвагу грамадзян, якія атрымалі даходы ад фізічных асоб – суб'ектаў аграэкатурызму ў 2023 годзе, на неабходнасць дэкларавання гэтых даходаў. Падатковую дэкларацыю (разлік) па падаходным падатку неабходна падаць у падатковы орган не пазней 01.04.2024.
Пры гэтым па даходах, атрыманых пры аказанні паслуг, у дачыненні да якіх сплачваўся падатак на прафесійны даход або адзіны падатак, падаваць дэкларацыю не трэба.