Бязвізавы ўезд у Рэспубліку Беларусь для грамадзян Латвійскай Рэспублікі, Літоўскай Рэспублікі і Рэспублікі Польшча прадоўжаны на 2024 год

Прэзідэнт Беларусі Аляксандр Лукашэнка вырашыў падтрымаць прапанову Урада і працягнуць бязвізавы ўезд у нашу краіну для грамадзян трох краін ЕС на 2024 год, паведаміла яго прэс-служба.

"Дзеянне бязвізавага рэжыму ў 2022–2023 гадах паказала ўстойлівы інтарэс жыхароў сумежных дзяржаў да наведвання Рэспублікі Беларусь, нягледзячы на перашкоды і абмежаванні з боку кіраўніцтва Літвы, Латвіі і Польшчы", – адзначаецца ў паведамленні.

За перыяд прымянення бязвізавага рэжыму нашу краіну наведалі больш за 784 тыс. чалавек з Літвы, Латвіі і Польшчы, у тым ліку амаль 400 тыс. чалавек у перыяд з 1 студзеня 2023 года. Адзначаецца, што для некаторых жыхароў прымежных з Беларуссю рэгіёнаў Літвы і Латвіі гэтыя паездкі сталі "крыніцай атрымання неабходных тавараў і медыкаментаў".