Транспартны падатак: аўтамабілі і не толькі

Усе транспартныя сродкі, зарэгістраваныя ў ДАІ МУС, уключаючы мапеды, падлягаюць падаткаабкладанню транспартным падаткам.

Даведачна: згодна з Правіламі дарожнага руху, мапедам прызнаецца механічны транспартны сродак, які прыводзіцца ў рух рухавіком з рабочым аб'ёмам да 50 куб. сантыметраў.

Да 2022 года для іншых транспартных сродкаў стаўка падатку для фізічных асоб не была ўстаноўлена, у сувязі з чым, аплата падатку па такім транспарце не праводзілася. З 2022 года стаўкі падатку ўстаноўлены як для транспартных сродкаў пэўных катэгорый (напрыклад, легкавыя, грузавыя аўтамабілі, прычэпы, матацыклы), так і для іншых транспартных сродкаў, у тым ліку транспартных сродкаў, у дачыненні да якіх адсутнічаюць звесткі аб іх тыпе. Памер стаўкі для іншых транспартных сродкаў вызначаны ў суме 41 рубель за год.

У 2023 годзе (у тэрмін не пазней 15.11.2023) транспартны падатак выплачваецца за 2022 год, таму падатак за мапеды падлягае выплаце ўжо ў гэтым годзе. Для прымянення льгот (напрыклад, для інвалідаў, пенсіянераў, а таксама па выкрадзеным або скрадзеным транспарце) у падатковы орган варта прадставіць дакументы, якія пацвярджаюць права на льготу.